Thamar, veuve déterminée, entre dans la lignée du Messie.

Lectio X – Genesis, 38

Eo tempore descendens Iudas a fratribus suis divertit ad virum Odollamitem nomine Hiram.
Viditque ibi filiam hominis Chananaei vocabulo Sue et, accepta uxore, ingressus est ad eam.
Quae concepit et peperit filium vocavitque nomen eius Her.
Rursumque concepto fetu, natum filium nominavit Onan.
Tertium quoque peperit, quem appellavit Sela. Ipsa autem erat in Chasib, quando peperit illum.
Dedit autem Iudas uxorem primogenito suo Her nomine Thamar.
Fuit quoque Her primogenitus Iudae nequam in conspectu Domini, et ab eo occisus est.
Dixit ergo Iudas ad Onan: “Ingredere ad uxorem fratris tui et sociare illi, ut suscites semen fratri tuo”.
Ille, sciens non sibi nasci hunc filium, introiens ad uxorem fratris sui semen fundebat in terram, ne proles fratris nomine nasceretur.
Et idcirco occidit et eum Dominus, quod rem detestabilem fecerat.
Quam ob rem dixit Iudas Thamar nurui suae: “Esto vidua in domo patris tui, donec crescat Sela filius meus”. Timebat, enim, ne et ipse moreretur sicut fratres eius. Quae abiit et habitavit in domo patris sui.
Evolutis autem multis diebus, mortua est filia Sue uxor Iudae. Qui, post luctum consolatione suscepta, ascendebat ad tonsores ovium suarum ipse et Hiras amicus suus Odollamites in Thamnam.
Nuntiatumque est Thamar quod socer illius ascenderet in Thamnam ad tondendas oves.
Quae, depositis viduitatis vestibus, cooperuit se velo et, mutato habitu, sedit in porta Enaim in via, quae ducit Thamnam; eo quod crevisset Sela, et non eum accepisset maritum.
Quam cum vidisset Iudas, suspicatus est esse meretricem; operuerat enim vultum suum.
Declinansque ad eam in via ait: “Veni, coeam tecum”; nesciebat enim quod nurus sua esset. Qua respondente: “Quid mihi dabis, ut fruaris concubitu meo?”,
dixit: “Mittam tibi haedum de gregibus”. Rursum illa dicente: “Si dederis mihi arrabonem, donec mittas illum”,
ait Iudas: “Quid vis tibi pro arrabone dari?”. Respondit: “Sigillum tuum et funiculum et baculum, quem manu tenes”. Et dedit ei. In coitu cum eo mulier concepit
et surgens abiit; depositoque velo, induta est viduitatis vestibus.
Misit autem Iudas haedum per amicum suum Odollamitem, ut reciperet pignus, quod dederat mulieri. Qui cum non invenisset eam,
interrogavit homines loci illius: “Ubi est meretrix, quae sedebat in Enaim in via?”. Respondentibus cunctis: “Non fuit in loco isto meretrix”.
reversus est ad Iudam et dixit ei: “Non inveni eam; sed et homines loci illius dixerunt mihi numquam ibi sedisse scortum”.
Ait Iudas: “Habeat sibi; ne simus in ludibrium. Ego misi haedum, quem promiseram, et tu non invenisti eam”.
Ecce autem post tres menses nuntiaverunt Iudae dicentes: “Fornicata est Thamar nurus tua et gravida est ex fornicatione”. Dixitque Iudas: “Producite eam, ut comburatur”.
Quae cum educeretur ad poenam, misit ad socerum suum dicens: “De viro, cuius haec sunt, concepi; cognosce cuius sit sigillum et funiculus et baculum”.
Qui, agnitis pignoribus, ait: “Iustior me est, quia non tradidi eam Sela filio meo”. Attamen ultra non cognovit illam.
Instante autem partu, apparuerunt gemini in utero; atque in ipsa effusione infantium unus protulit manum, in qua obstetrix ligavit coccinum dicens:
“Iste egressus est prior”.
Illo vero retrahente manum, egressus est frater eius; dixitque mulier: “Qualem rupisti tibi rupturam?”. Et ob hanc causam vocatum est nomen eius Phares (id est Ruptura)⁽¹⁾.
Postea egressus est frater eius, in cuius manu erat coccinum; qui appellatus est Zara (id est Ortus solis).

Vocabula difficiliora

diverto, -ere, verbe — se détourner, s’éloigner
descendo, -ere, verbe — descendant
socio, -are, verbe — il s’unit à, il épousa
ingredior, -i, verbe déponent — entré, ayant couché avec
fetus, -us, m. — grossesse, conception
nequam, indecl. adj. — mauvais, indigne
suscito, -are, verbe — suscite, donne une descendance
introeo, -ire, verbe — entrant, allant vers
fundo, -ere, verbe — il répandait, il versait
proles, -is, f. — descendance, postérité
idcirco, adv. — c’est pourquoi, à cause de cela
vidua, -ae, f. — veuve
luctus, -us, m. — deuil
suscipio, -ere, verbe — accueillie, reçue
socer, -eri, m. — beau-père
cooperio, -ire, verbe — elle couvrit, elle enveloppa
cresco, -ere, verbe — il avait grandi
meretrix, -icis, f. — prostituée
operio, -ire, verbe — elle avait couvert
vultus, -us, m. — visage, expression
coeo, -ire, verbe — que je couche avec
fruor, -i, verbe déponent — que tu jouisses de
concubitus, -us, m. — relation sexuelle
haedus, -i, m. — chevreau
arrabo, -onis, m. pl. — gage, garantie
sigillum, -i, n. — sceau
funiculus, -i, m. — cordelette, cordon
baculum, -i, n. — bâton
induo, -ere, verbe — vêtue de, habillée
pignus, -oris, n. — gage, objet donné en garantie
scortum, -i, n. — prostituée (terme vulgaire)
ludibrium, -i, n. — moquerie, dérision
comburor, -i, verbe passif — qu’elle soit brûlée
educo, -ere, verbe — elle fut conduite
agnosco, -ere, verbe — ayant été reconnus, identifiés
trado, -ere, verbe — j’ai donné, confié
attamen, adv. — pourtant, néanmoins
effusio, -onis, f. — sortie, épanchement
obstetrix, -icis, f. — sage-femme
coccinum, -i, n. — fil ou étoffe écarlate
qualis, -is, adj. — quelle sorte de, quel
rumpo, -ere, verbe — tu as brisé
ruptura, -ae, f. — brèche, ouverture violente

Notae

(1) Et ob hanc causam vocatum est nomen eius Phares
Ce renversement, cette rupture évoque Gen 25,23 : Jacob et Ésaü étaient eux aussi deux frères jumeaux dont le cadet l’emporta sur l’aîné.

Nota genealogica


                          Juda ——————————— Sue†
                                    |
                        ————————————————————————
                        |           |          |
Juda ---- Thamar ————  Her†        Onan†      Sela
           |
       —————————
       |       |
    Phares   Zara