Le vœu tragique de Jephté.

Lectio XXVII – Liber Iudicum, 11

Fuit Iephte Galaadites vir fortissimus, filius meretricis mulieris, quem genuit Galaad.
Habuit autem Galaad uxorem, de qua suscepit filios, qui, postquam creverant, eiecerunt Iephte dicentes: “Heres in domo patris nostri esse non poteris, quia de altera matre generatus es”.
Quos ille fugiens atque devitans habitavit in terra Tob; congregatique sunt ad eum viri inopes et exierunt (1) cum eo.
In illis diebus pugnabant filii Ammon contra Israel.
Quibus acriter instantibus (2), perrexerunt maiores natu de Galaad, ut tollerent in auxilium sui Iephte de terra Tob.
Dixeruntque ad eum: “Veni et esto princeps noster, et pugnemus contra filios Ammon”.
Quibus ille respondit: “Nonne vos estis, qui odistis me et eiecistis de domo patris mei? Et nunc venistis ad me necessitate compulsi”.
Dixeruntque principes Galaad ad Iephte: “Ob hanc igitur causam nunc ad te venimus, ut proficiscaris nobiscum et pugnes contra filios Ammon sisque dux omnium, qui habitant in Galaad”.
Iephte quoque dixit eis: “Si revocatis me, ut pugnem pro vobis contra filios Ammon, tradideritque eos Dominus in manus meas, ego ero princeps vester”.
Qui responderunt ei: “Dominus, qui haec audit, ipse mediator ac testis est quod secundum verbum tuum faciemus”.
Abiit itaque Iephte cum principibus Galaad, fecitque eum omnis populus principem sui. Locutusque est Iephte omnes sermones suos coram Domino in Maspha.
Et misit Iephte nuntios ad regem filiorum Ammon, qui ex persona sua dicerent: “Quid mihi et tibi est, quia venisti contra me, ut invaderes terram meam?”.
Quibus ille respondit: “Quia tulit Israel terram meam, quando ascendit de Aegypto, a finibus Arnon usque Iaboc atque Iordanem; nunc igitur cum pace redde mihi eam”.
Rursumque Iephte nuntios misit et imperavit eis, ut dicerent regi Ammon:
“Haec dicit Iephte: Non tulit Israel terram Moab nec terram filiorum Ammon.
Sed, quando de Aegypto conscenderunt, ambulavit Israel per solitudinem usque ad mare Rubrum et venit in Cades;
misitque nuntios ad regem Edom dicens: “Dimitte, ut transeam per terram tuam”. Qui noluit acquiescere precibus eius. Misit quoque et ad regem Moab, qui et ipse transitum praebere contempsit. Mansit itaque Israel in Cades
et pertransiens desertum circuivit ex latere terram Edom et terram Moab venitque contra orientalem plagam terrae Moab et castrametatus est trans Arnon nec voluit intrare terminos Moab; Arnon quippe confinium est terrae Moab.
Misit itaque Israel nuntios ad Sehon regem Amorraeorum, regem Hesebon, et dixit ei: “Dimitte, ut transeam per terram tuam usque ad locum meum”.
Qui et ipse Israel verbis diffidens non dimisit eum transire per terminos suos, sed, omni populo suo congregato, egressus est contra eum in Iasa et fortiter resistebat.
Tradiditque eum Dominus in manu Israel cum omni exercitu suo, qui percussit eum et possedit omnem terram Amorraei habitatoris regionis illius,
universos fines eius de Arnon usque Iaboc et de solitudine usque ad Iordanem.
Dominus ergo, Deus Israel, subvertit Amorraeum coram populo suo Israel; et tu nunc vis possidere terram eius?
Nonne ea, quae tibi Chamos deus tuus in possessionem dat, tibi iure debentur? Quae autem Dominus Deus noster victor obtinuit, in nostram cedunt possessionem.
Num quid melior es Balac filio Sephor rege Moab? Numquid iurgatus est contra Israel et pugnavit contra eum?
Quando habitabat in Hesebon et viculis eius et in Aroer et villis illius et in cunctis civitatibus iuxta Arnon per trecentos annos, quare tanto tempore nihil super hac repetitione tentastis?
Igitur non ego pecco in te, sed tu contra me male agis indicens mihi bella non iusta. Iudicet Dominus arbiter huius diei inter filios Israel et inter filios Ammon.”
Noluitque acquiescere rex filiorum Ammon verbis Iephte, quae per nuntios mandaverat.
Factus est ergo super Iephte spiritus Domini, et pertransiens Galaad et Manasse venit in Maspha Galaad et inde ad filios Ammon.
Votum autem vovit Domino dicens: “Si tradideris filios Ammon in manus meas,
quicumque primus fuerit egressus de foribus domus meae mihique occurrerit revertenti cum pace a filiis Ammon, eum holocaustum offeram Domino”.
Transivitque Iephte ad filios Ammon, ut pugnaret contra eos; quos tradidit Dominus in manus eius.
Percussitque eos ab Aroer usque dum venias in Mennith viginti civitates et usque ad Abelcharmim plaga magna nimis; humiliatique sunt filii Ammon a filiis Israel.
Revertenti autem Iephte in Maspha domum suam occurrit unigenita filia cum tympanis et choris: non enim habebat alios liberos.
Qua visa, scidit vestimenta sua et ait: “Heu, filia mi, incurvans incurvasti me! Et tu es in eis, qui me perturbant! Aperui enim os meum ad Dominum et aliud facere non potero”.
Cui illa respondit: “Pater mi, si aperuisti os tuum ad Dominum, fac mihi, quodcumque pollicitus es, concessa tibi a Domino ultione atque victoria de hostibus tuis filiis Ammon”.
Dixitque ad patrem: “Hoc solum mihi praesta, quod deprecor: Dimitte me, ut duobus mensibus circumeam montes et plangam virginitatem meam cum sodalibus meis”.
Cui ille respondit: “Vade!”. Et dimisit eam duobus mensibus. Cumque abisset cum sodalibus suis, flebat virginitatem suam in montibus.
Expletisque duobus mensibus, reversa est ad patrem suum; et fecit ei, sicut voverat, quae non cognoverat virum. Exinde mos increbuit in Israel, et consuetudo servata est,
ut post anni circulum conveniant in unum filiae Israel et plangant filiam Iephte Galaaditae diebus quattuor.

Vocabula difficiliora

meretrix, -icis, f. — prostituée
eicio, -ere — chasser, rejeter
heres, -edis, m./f. — héritier, héritière
devito, -are — éviter, fuir
acriter, adv. — vigoureusement, avec acharnement
insto, -are — faire pression, insister
proficiscor, -i (verbe déponent) — partir, se mettre en route
revoco, -are — rappeler, faire revenir
mediator, -oris, m. — médiateur, arbitre
conscendo, -ere — monter, s'élever, partir
prex, precis, f. — prière, supplication
contemno, -ere — mépriser, refuser avec dédain
plaga, -ae, f. — région, zone
castramento, -ari (verbe déponent) — s’installer en campement
terminus, -i, m. — frontière, limite
diffido, -ere — se défier de, ne pas faire confiance à
solitudo, -inis, f. — domaine désertique, solitude
subverto, -ere — anéantir, faire tomber, renverser
iurgo, -are — quereller, provoquer une dispute
vicus, -i, m. — hameau, petit village
repetitio, -onis, f. — revendication, réclamation
pecco, -are — commettre une faute, pécher
occurro, -ere — aller à la rencontre
tympanum, -i, n. — tambourin, instrument à percussion
chorus, -i, m. — cortège chantant ou dansant
incurvo, -are — courber, abaisser
incurvo, -are — tu as courbé, tu as abaissé
perturbo, -are — troubler, bouleverser
polliceor, -eri (verbe déponent) — promettre
ultio, -onis, f. — vengeance, punition infligée
praesto, -are — accorder, exaucer
deprecor, -ari (verbe déponent) — supplier, prier instamment
circumeo, -ire — faire le tour, parcourir
plango, -ere — pleurer, se lamenter
fleo, -ere — pleurer
exinde, adv. — dès lors, à partir de ce moment-là
increbresco, -ere — se répandre, devenir courant
circulus, -i, m. — cycle, période (d’une année)
plango, -ere — pleurer, commémorer par des lamentations

Index personarum et locorum

Balac — roi de Moab (Nb 22–24)
Chamos — divinité nationale des Moabites (1 Reg 11,7)
Sephor — père de Balac (Nb 22,2)
Sehon — roi amorrite dont le royaume fut conquis par Israël (Nb 21,21–30)

Abelcharmim — localité transjordanienne non identifiée
Arnon — rivière frontière entre Moab et les Amorrites, à l’est du Jourdain
Aroer — localité située sur la rive nord de l’Arnon, citée dans les territoires occupés (Nb 21,28)
Cades — oasis du sud désertique, halte importante lors de l’Exode (Nb 13,26)
Edom — territoire au sud-est de la mer Morte, lié à Ésaü, frère de Jacob (Gn 36,1)
Hesebon — ancienne capitale de Sehon en Transjordanie, conquise par Israël (Nb 21,25–26)
Iaboc — rivière entre Arnon et le Yarmouk, frontière nord des territoires conquis
Iasa — ville où Israël affronta Sehon (Nb 21,23)
Iordanes — fleuve marquant la frontière occidentale d’Israël, entre la mer de Galilée et la mer Morte
Manasse — demi-tribu installée en Transjordanie (Nb 32,33)
Maspha — lieu de rassemblement en Galaad. Également lieu d’assemblée nationale ou religieuse (Iud 20,1 ; 1 Sam 10,17)
Mennith — localité de Transjordanie, inconnue par ailleurs
Moab — royaume établi à l’est de la mer Morte, issu de Lot (Gn 19,37)

Notae

(1) exierunt cum eo
La tradition exégétique et les principales traductions retiennent l'idée de « raids », pas forcément clairement présente dans le texte. Cf (Jg 9, 43) ; (Jg 20, 20) ; (Jg 20, 31) ; (1 S 18, 5.13) (2) acriter instantibus
La vulgate semble s'éloigner un peu du texte original (לחם, combattre). Les traductions classiques disent Comme les fils d'Ammon faisaient la guerre à Israël.